أسـابق ليلتي واجيك

أسـابق ليلتي واجيك




اناماعيش معك الحب ..أنا أعيش الحب كله فيك
أنا وان كنت عنك بعيد .. لكن معك وأحيابك

تعيش بكل أحاسيسي .. وتفكيري و أعيش أغليك
تحسد الحب لو تسمع .. حديث الروح بغيابك

تزاحم فالخفوق قلوب يسري نبضها بيديك
أنا.. كيف أختصر فيك الشعور بحضرة أحبابك

سكنت أرض الغياب, وكل سيره للوفا ترويك
عيونك موطن وغربه .. وعيونك موطن أغرابك

أحبك.. لوتسافربي على درب التعب وأمشيك
حبيبي في زمان البعد .. قلبي أصدق أصحابك

أحبك .. جرح مايبرى عسى بعض الالم يرويك
ولوّن بالرضى عيني .. وأسيل دمعة عتابك

حبيبي , في ظلام الشوق كل النور مايضويك
أنا صفحاتك البيضاء, وانا اصدق حرف بكتابك

فرشت العمر لايامك.. أسابق ليلتي وأجيك
وعرفت ان الغلا خطوة .. وأنا واقف على بابك

جفون الغيم لو تمطر .. دريت ان الثرى ضاميك
ودريت إني بلا موعد .. زرعت الحلم بأهدابك